أنا اليوم طبخت حاجه من أرض البرتغاال واسبانيا
اسمها
Spanish Rice with Chicken Peri- Peri
أخذت الفكره من مطعم ناندوز اللي كان في العليا بس سكروه الحين المهم بس استطعت ان احصل على الخلطه السريه حقتهم بطريقتي الخاصه :(
المقادييير
-دجاج بدون عظم مقطعه مكعبات وتخلطي معاها صلصه ناندوز وتدخليها الثلاجه لمده يوم
-رز ابيض طويل الحبة
-بصله متوسطه
-فلفل احمر او اخضر بارد اتوقع يسموه رومي
- مرقه دجاج (ماجي + مويه حارة)ا
- بازلاء اذا تبغي
-بودره ثوم
-ملح بس لا تحطي كثير عشان فيه في الماجي
-زيت زيتون
-فلفل اخضر اذا تبغي
-والصلصة زي في الصوره:
الطريقة:
قطعي البصل وقلبيها في الزيت شوي
- ضيفي الرز بدون اي موية وحركيها في الزيت لحد ما تصير لونه ذهبي ومهم مرره هذي الخطوه طبعا غسلي الرز اول وخليه ينشف
-ضيفي صلصه التاكوو وقلبيها وترا فيه حار مرره ومتوسط انا استخدمت متوسط الحراره
-ضيفي المرقه وانتبهييي لما تصبيها
-ضيفي شوية بودره الثوم وحركيها
-ضيفي الخضار اللي راح تستخدميها الحين في هذي الخطوه
- صيفي الديااااي الحين وكمان حركيها
-خليها لحد ما تغلي على حراره مرتفعه بعدين نقصي الحراره وغطي الاناء وخليها لمده ٢٠-٢٥ دقيقه ولااا تفتحييها
-افتحيها الحين والمفروض المويه كلها اتشربت
وبالعااافيه
ملاحظه
شكلها زي الكبسه السعوديه عارفه بس طعمها غيييير وسباايسي ويمييي
طبخة/ بثينة
Twitter: @Buthainah_A