اعادة تدوير حلى سوسو المنتظر ~

عزيزاتي الطباخات , أبشركم سوسو ماتركت الطبخ ولا تركت الحلى وشأنه

بل جاهدت وتحملت الصعاب لتكوين وتحسين صورة الحلى

وأترككم مع باقي قصتها :P

------------

مرحبا بكل السنعات اللي مثلي

تم إعادة تدوير حلا سارة المالكي بعد مكوث الحلا لمدة يوم ونصف في الثلاجة على أمل انه يتغير شكله 

 

طبعا فكرة إعادة التدوير جاءت بعد تهديد الوالدة بإلقاء الحلى والعياذ بالله في الزبالة بحجة انه ماخذ مكان بالثلاجة

ولا أنا كنت ناوية أخليه أسبوع

المهم الفكرة الأولى هي تحسين شكله فقمت بإضافة شوكلاتة هيرشي كطبقة عليا 

 

ثم قمت بتقطيعه مثلثات

لكن طلع شكله مايأهل للأكل 

  

قلت يالله بغير شكل التقطيع وقطعته مربع وصارت كنت أبراج

لكني حسيت انه غير صالح للاستخدام الآدمي أبدا وخاصة للصائمين 

 

المهم أخذت الخلاط وحطيت البسكويت كله مع الخليط حقه وخلطتهم مع بعض

وتكونت لدي طبقة ثقيلة

 وحطيته بهذا الشكل 

 

انتبهوا : الكمية كافية ل 5 أشخاص عشان مايصير مشاكل عالفطور

الطبقة الثانية

أخذت خلاط البصل لان الخلاط اللي فيه بسكويت قضى نحبه يعني " انكسر "

لاني ركبته بالعكس

وحطيت فيه قشطة وحليب  وخلطه وحطيته على الطبقة الأولى " راجعي مقادير الطبقة الأولى في الحلى السابق"

>> ماادري يصير فيه ريحة بصل بعدين ؟؟ بس وأنا أحط ماشميت شي

بس ماراح أقولهم إني خلطت بخلاط البصل عشان مايتخيلون الريحة

  

للتجميل : شوكلاتة هيرشي يمي يمي 

 

لاحظوا معاي الطبقات مو كأنها اللي بمسلسل منال العالم ؟

 

أبشركم ياحلوين :

1-   أبوي سوا لي إعفاء عاااام من الطبخ لاني إذا استمريت بالطبخ راح اسبب له خسائر مادية فادحة

2-   أمي كمان سوت لي إعفاء لاني حست لها المطبخ وغيرت أماكن الأشياء ..

3-    قناة فتافيت دقت علي أمس وقالوا تكفييييييين شاركي في القناة بس ربع ساعة بس أنا رفضت لان ماعندي وقت أبدا لهالاشياء..

4-   أم ريما اللي كتبت الطبخة أعلنت اعتزالها عن المطبخ نهائيا بعد رؤيتها للحلى حقها أمس ..

5-   أخواني مجهزين سيارتين عند الباب للضرورة القصوى في حالة إصابة احد الصائمين بنوبة هضمية

انتظرووووووني في حلى جديد ..




طبخة/ سارة المالكي