|
ابدعت صديقتنا سوسو رمضان الي راح بطبق مثير للاهتمام جداً
وانصدمنا بالطبق البطل هذه السنه
 |
| طبق سوسو السابق P: |
Start
1
2
3
السلام عليكم ورحمة الله وبركاته
مبارك عليكم الشهر صبايا
طبعا اتقدم بخالص اعتذاري عن عدم اشتراكي في الحافظة الرمضانية لهذه السنة >> يقال اني شاركت في اللي قبل
وذلك لاني مغتربة عن بيتنا العزيز في الرياض واتنقل في مدن المملكة منذ شهر مضى..
تو اشوف مدونتكم الجديدة , جعلها الله من مدونات السعادة ونفع فيها سنعات المسلمين
ولا يخفى عليكم مدى تحمسي للاشتراك ولكن في كل سنة يحدث لي ظرف وماانزل صور طبخاتي اللي قلت لكم عليها
المهم اليوم بعد السحور مدري وش جاني
وقلت في نفسي
انا حاسب مثلهم , ليش ماادخل المطبخ واسوي طبخة تكسر الدنيا وافوز بجائزة الحافظة لهذا العام >> ان شاء الله يكون فيه جائزة
تناولت كتاب الطبخ لام ريما الله يجزاها خير >> حلووو مره الكتاب صوره مرتبة وبالخطوات والارقام وخلفيات تجنن
وطبعا بما اني مو في بيتنا اخترت حلا بسيط المقادير + مافيه عجينة + مافيه بيض
لكن بنبهكم على نقطة مهمه
ان هذا اول حلى اسويه في حيااااتي لذلك يعتبر انجاااااااز + لازم تقرون نهاية قصتي مع الحلى زين
مالكم في الطويلة اليكم الطريقة والمقادير
3 ملاعق كاكاو بودرة + 2 فنجان سكر بودرة + 1 قشطة + 1 فنجان موية باردة + 2 حبة كيري + ظرف دريم ويب + 2 بسكويت شاي
خلطهم في الخلاط وبعدين حطيتهم في زبدية
وحطيت معاهم الدريم ويب وحركتهم بالملعقة اللي مثل ملعقة خلاط العجينة اللي مااستعملته لكن مااعرف اسم الملعقة اللي هي بالصورة واظن اني قريت ان اسمها شوكة بس مااقتنعت
الى الان انا ماشية على كلام ام ريما
وبعد التحريك تغمسين البسكويت في الخلطة وتحطينة طابور وراء بعض
والمفروض ان الخليط يمسك في البسكويت
بس اللي صار كاااااااااااااااااااارثة
ان الخليط مايلصق بالبسكويت ويذوب الى ان كون بركة من الخليط تحت الطابور
وازيدكم من الشعر بيت > البسكويت قاسي زي ماهو
يعني بدل مايكلون حلا عالفطور ياكلون بسكويت شاي بنكهة الكاكاو
بدت تخرب الاخلاق
رميت كتاب ام ريما >> لاتصدقون لانه مو حقي
وشمرت عن ساعدي وقلت انا بحل المشكلة بدون ام ريما
لكني للاسف زدت الطين بله
اخذت زبدية اخت الزبدية اللي قبل شوي
وحطيت فيها ملعقتين حليب وموية حارة >> يقالكم فاهمة بلين البسكويت شوي واحط خليط الكاكاو ويلصق
وانا احط البسكويت في الحليب وصار البسكويت يذوب في الحليب وماينشال لي وصار الحليب سيريلاك
والحمد لله ان ولد اختي ذو الثماني اسنان صاحي واحط على البسكويت شوي من خليط الكاكاو وخليته ياكله >> ياعمري والله ماكان يبي بس غصبته حرام البسكويت يروح هدررررررررر بس رفسني انا والصحن مااعجبه مو مثل السيريلاك حقه
لكن بعدين جبر بخاطري
وكان بيفقد 3 من اصابعه ورا حلاي >> يسمع عن اكلات ياكلون الناس اصابعهم وراها
لازال عندي امل بحل المشكلة
حطيت موية باردة عالحليب وصار الحليب دافي
وبديت احط البسكويت في الحليب واطلعه بسرعة واحطه في الخليط واصفه طابور
يبدو اني فقدت السيطرة على الوضع
وتصير الدنيا حوووووووووووووووووووسة
بس اني صابرة ومثابرة
يبدو ان المشكلة ليست في البسكويت
وعلى فكرة لم تنحل المشكلة لكني اكملت الطابور بنفس الطريقة
لكن عالاقل صار البسكويت لين
طبعا لازال المخ شغال والحيل تتروادني
لاني ماابي اصير نكتة الفطور
وخاصة اني زوجة اخوي الجديدة " اقصد العروسة" جايتنا واول مره تشوفني اطبخ
والمصيبة الاعظم والامر اني بلغت كل العائلة اني بسوي حلا
مايمديني ارمي الحلى المنكوب ومايمدي اشتري اغراض حلا ثاني
الحلا الان في الثلاجة قلت يمكن يجمد شوي ويتغير شكله
فكرت في طريقة جديدة لتقديم الحلا تغطي على طعم بسكويت الشاي:
اني بعد تقطيع الحلا بشكل معينات زي ماقالت ام ريما
اوزعه في صحون الشوربة واحط خليط الكاكاو اللي تحت وبعدين احط شوكة عشان اللي بياكل يغمس البسكويت في الخليط وياكله وبالعافية عليهم
هذا هو الحل الوحيد الا اذا عندكم حل ثاني تنقذوني فيه قبل الفطور
اكون لكم من الشاكرين
طبخة/ ساره المالكي
هههههههههههه وربي ضحكككت
ابداااااع
انا للحين مو مصدقه ان في بنات مايعرفووون ابد بالمطبخ
عشان كذا ناشبه لخويتي اللي ماتعرف تسوي الشاهي ابعلمها عليه من العام>>ونعم الدرووس