انا انسانه من عشاق المكرونه 

ومافلحت بطبخ الا المكرونه بجميع انواعها 

عاد الله يسلمكم بالاونه الاخيره صرت اخترع من عندي 

واحط كل شئ احبه واسوي خلطه مع المكرونه والحمد لله يطلع حلو ويعجب اهلي :D

هذي عاد مره سهله وطعمها يممممي 

طبعا دجاج مقطع صغير 

فلفل رومي برضو مقطع صغير 

كيس خضار اللي يجي مشكل ومقطع صغار 

كزبره 

شبت 

تحمسين الدجاج مع بصل وتحطين بهارات وفلفل اسود ملح 

اذا بدا يزين الدجاج تحطين عليه الخضار 

بعد عشر دقايق الفلفل الرومي والكزبره والشبت 

تخلينها خمس دقايق تطبخ 

بدعا تجيبين 2 قشطه و 1 كاس جبن 

تحطينها مع الدجاج والخضار وتخلينه يطبخ حوالي 5 دقايق 

عاد تكونين حاطه المكرونه بمويه وشوي زيت وملح سالقتها 

اذا خلصت الخلطه والمكرونه تصفين المكرونه من المويه وتحطين عليها الخلطه 

وبالف عافيه وهنا على قلووبكم 

طبخة/ نورة القحطاني

Twitter: @NourahQ

هذا الحلا مررره سهل وسريع ولذيذ بنفس الوقت :D

بسكوت شاهي تدقينه وتحطين معه قشطه 

وترصينه بالصينيه 

بالخلاط 

3 ظروف كريم كراميل 

3 ظروف دريم ويب 

3 قشطه 

تخلطينها وبعدين تحطينها فوق البسكوت 

بعدها تحطينه بالفريز ساعتين او اذا شفتيه تماسك 

بعدها شوكولاته هيرشي سوي الشكل اللي تبين :p

وبعدين تنزلينها بالثلاجه لين تقدمينها وبالعااافيه

طبخة/ نورة القحطاني

Twitter: @NourahQ

اهلن وسهلن 

واخيييرا ارسلت شئ لهوووما من طبخاتي 

كل مااطبخ واخلص اكون ناويه اصور ومع حوسه الفطور اتذطر التصوير بعد ماتخلص الصينيه :p

بس هذا اللي نجا وتذكرته :D

المهم سلمكم الله هذا الطبق مره سهل وماياخذ وقت 

على حسب صينيتك تجيبين باذنجان وتقطينه شرايح بالطول عشان تقدرين تلفينه

 الافضل الباذنجانات الكبيره طبعا 

وبعذ ماتقطعينه ملحيه شوي واقليه بالزيت يتحمر شوي 

الخلطه اللي جوا تكون 

دجاج مقطع صغار تحمسينه مع بصل وتحطين بهارات وملح 

واذا تحبين فلفل اسود حطيه 

اذا بدا ينضج الدجاج تكونين مقطعه فلفل رومي صغار وكزبره وشبت 

تحطينها على الدجاج وتحركينه وتخلينه خمس دقايق 

بعدها اذا شفتيه خلص حطي صويا انا حطيت حلوه مااثرت بالطعم كثير لاني حطيت شوي موكثير 

عاد اخر شئ تاخذين قطعه قطعه من الباذنجان وتحطين ملعقه صغيره من خلطه الجاج وتلفينه وتثبتينه باعواد الاسنان مثل الصوره 

طبعا لان فطورنا بالبيت حطيت الاعواد العاديه اذا بتطلعون لناس حطو الاواد الكشخه :p

اخر شئ تكونين صافتها بالصينيه تحطين فوها جبن مبشور عادي اي نوع 

وتدخليه يتحمر بالفرن 

وبالعااافيه علييييكم 

طبخة/ نورة القحطاني

Twitter: @NourahQ 

المقادير :

 ٢صدر دجاج مقطع "تقطيع الشاورما "قطع طويله """

خبز اسمر "رقائق القرصان" او مايسمى بالسليب .. "صوره السليب"

ليمونه ونص .

٦ ملاعق كبيره زيت زيتون .

ملح وبهارات للدجاج،

بصله مقطعه تقطيع صغير 

ملعقتين كبيره سماق

الطريقه :

اول حاجه نآخذ الدجاج ونحمسه  مع شوي من البصل،ونحط عليه البهارات والملح وبعد الاستواء نحط عليه ملعقتين زيت زيتون.

وكمان البصل الباقي نحمسه بمعلقتين او ٣ زيت زيتون.بس مايحمر مره فقط شوي يلين ،،=)

نخلط الدجاج والبصل ونعصر عليهم الليمون ونضيف السماق بعد <<يكون الحموضه ع حسب الرغبه ممكن تزيدون المقادير.

الان نجي للسليب نصفطه ع شكل نص دائره بعدين نقص اللسيب من النص

بعدين نرش السليب بزيت زيتون

ونضيف خلطتنا"الدجاج والبصل"

ونلف السليب ووقت اللف لما يكون يقصى السليب رشوا شوي زيت زيتون ،

وبعدها من الجهتين كمان رشوا زيت زيتون من الجهتين من السليب الملفوفه وحطوها بصينيه 

دخلوا الصينيه بالفرن حتى يتحمر السليب ويصير لونه ذهبي اكثر وبعدها قطعوه بالنص وصفوه بالصينيه وبالعافيه

واخيرا سويت طبخه !!!! 

اعتقيني يا هوومه خخخخ 

ملاحظه :

هالطبخه ماتنفع لا سحور ولا فطور لانها حامضه فينصح بها بعد صلاه التراويح !

وممكن اضافه شوي فلفل اخضر بالحشوه ،،

وصحتين ..

طبخة/ هبة

Twitter: @hebah08 

تجيبي كاسات الورق الصغيرة

أول طبقه:

تذوبي شوكولاته جالكسي مع زبده وتحطي شوي في الكاسات من تحت وتدخليها الثلاجة تجمد

ثاني طبقه

اذا جمدت تكسري شعيره باكستانيه وتفتتيها وتحمسيها مع زبده عالنار وتحطيها عالطبقه الاولى وفي الثلاجه

ثالث طبقة

تكسري بسكوت اوريو وتخلطيه مع قشطه وتحطيه فوق الطبقه الثانيه وفي الثلاجه

واذا جمدت طلعيه من الثلاجة وقصي بالمقص أطراف الكاسات واقلبيه بحيث طبقة الاوريو تكون تحت والتشكوليت فوق

وبس هيك بالعافيه :D

طبخة / رهام المقبل

Twitter: @hooomh

المكونات
130 غرام طحين
120 غرام سكر
3 حبات بيض (ما يعادل 200 غرام تقريباً)
ملعقة صغيرة فانيلا 
قشر حبة ليمون مبشور 
ربع ملعقة صغيرة ملح
120 غرام زبدة ذائبة
ملعقة كبير بكنج باودر

طريقة التحضير

1- ينخل الطحين مع خميرة الحلويات والملح.
2- يخفق البيض مع السكر والفانيلا جيداً بواسطة خفاقة يدوية أو كهربائية ثم يضاف برش الليمون ويخفق.
3- بواسطة ملعقة خشب أو سباتولا، يضاف الطحين المنخول مع خميرة الحلويات على مرتين أو ثلاثة.
4- تضاف الزبدة الذائبة تدريجياً مع الخلط.
5- تغطى العجينة وتترك لترتاح مدة (ساعة) في درجة حرارة الغرفة أو الثلاجة.
6- يسخن الفرن على حرارة 180 درجة مئوية.
7- تخفق العجينة بواسطة ملعقة ثم تسكب في الصينية وتدخل مباشرة الفرن لتخبز مابين 12 إلى 15 دقيقة لا غير كي لا تنشف.
8- تخرج من الفرن ثم من الصينية وتوضع فوق شبك لتبرد.

الطريقة من حورية المطبخ فتافيت 

وبالعافية 

طبخة/ ريم

Twitter: @reemy001 

المقادير

كأس دقيق-نصف كأس ماء-ملعقة كبيرة قشطة-ملعقة كبيرة جبن سائل-ملعقة صغيرة خميرة-ملعقة صغيرة بيكنج بودر

الطريقه

ذوبي الخميرة في كأس الماء ثم اعجني المقادير السابقة بها حتى تتجانس العجينة ،ثم غطيها بكيس نايلون وضعيها في مكان حار(غير بارد) لمدة ساعة حتى تخمر ، ثم تقلى في زيت غزير حار

طبخه / نورة العبداللطيف

Twitter : @iNora_a
 

السلام عليكم ورحمة الله وبركاته

وكما وعدتكم

عدت اليكم بطبق جديد

 ولكن هذه المره بدون خسائر بشرية او  مادية

ومن الحماس الزايد اثناء انتظاري لحلا البرتقالة

يجمد قعدت اتصفح كتاب ام ريما اذا تذكرونه

 ولقيت حلا القرفة

 وقلت اسوي طبقين

وتتعدل سمعتي ان شاء الله في البيت وفي المدونة

ويصير الناس ينادوني " سارة العالم ",,

بس قوانين المدونة انه بس طبق واحد باليوم وانا الان اعلن اعتراضي عن هذا القانون

مثلا كانت في وحدة متحمسه مثلي وسوت اكثر من طبق ..؟؟ راجعوا هذا الامر لو سمحتوا نويف ورهيم

المهم

هالمرة ان شاء الله يعجبكم حلاي واكيد راح يعجبكم لانه من يديني الماهرة

المقادير:

3 برتقالات + جلي برتقال + جلي احمر + لصق جروح

 ( اذا لم يوجد يمكن استبداله بأي لصق اخر)

* راح تعرفون سبب استعمال اللصق لاحقا

الطريقة:

قطعت 3 برتقالات من النصف وفرغتها بمهارة..(ركزوا عالمهارة )

وبعدين غسلتها لسببين:

الاول : لكي تذهب رائحة البرتقال ..

الثاني : لانه اثناء تقطيعي للبرتقال بمهارة سببت لها جروح تؤدي الى تسرب الجلي في المستقبل

وبغسلها بالماء تتعرفين على اماكن الجروح الناتج عن التقطيع بمهارة..

وبعدين حطيتها في صينية الكوب كيك

بعدين تاخذين  الجلي الاحمر مع كأس موية حار وتحركينه  كتير عالنار وبعدين تعبين نصف البرتقالة فقط

( بس بسرعة لان الجلي يجمد بسرعة )

تحطينه بالفريزر نصف ساعة

بعدين تاخذين  الجلي الاصفر  مع كأس موية حار وتحركينه  كتير عالنار وبعدين تكملين  النصف المتبقي من البرتقالة البرتقالة فقط

( بس  مو بسرعة لان الجلي مايجمد)>> اختبر ذكائك ..

وتحطينه بالفريزر نصف ساعة

وبعد ماتطلعينه قطعي البرتقالة من النص

بس تكفوووووووووووووووون خذوا سكين حادة جدا

عشان مايصير لكم مثل ماصار لبرتقالتي الاولى اللي ماصورتها عشان محد يمسك علي شي في هذا الطبق  >> تخيلوها انتم

وبالعااااااااااااافية عليكم ..

 

الصورة هذي فيها تحايل على قوانين المدونة:

بوريكم الطبق الثاني اللي سويته غصب

 اللي بكره بنزله بس عشان اثبت لكم اني قدعة وسويت اثنين مع بعض

بس لاحظوا معي الطبق الايسر  : امتلك مهارات تقطيع صح؟؟

لو تتذكرون معي تقطيع الحلا السابق بعد..

بس ماادري من قوانين المدونة وضع صور نساء 

لاني بحط  صورتي بعد الطبخ المتواصل لمدة 3 ساعات

شفوا النظارة والمهارة طالعة من عيوني بسم الله علي

( ولو سمحتوا دونت سيف ماي بيكتشر طيب ..)

هع هع هع هع

 

طبخه / سارة المالكي

المقادير :

علبتين تونة 

4 بطاطس متوسة الحجم مسلوقه 

بصله كبيره 

بقدونس أو شبث

نصف حبة فلفل بارد أو رومي كبيره 

ملح 

بهارت 

الطريقه :

في قطاعة البصل نضع البصله و البقدونس او الشبث و الفلفل و البطاطس بس مو تحشرونهم كلهم مع بعض بعدين تخرب قطاعتكم و تحطونها فيني ;p

اقسمها على مرتين و الا ثلاث مرات بعد ;p

بعدين نضيف الأشياء اللي خلطناها للتونه بعد ما صفينها من زيتها و هرسناها ناعم نعجنهم زين مع بعض و نضيف الملح و البهار 

نكوره او نسويه اصابه او وردات او قوارب << برااا

بعدين نقلبهم في بيض و بقسماط و نتركهم شويات عشان تشد 

نجهز ديب خفيف و لذيذ 

ملعقتين جبنه بيضا او لبنه و ملعقه و نصف مايونيز مع شوية لبن للتخفيف و مجموعة من اوراق الشبث 

و عساها مهابيط العافيه 

* الشبث للي ما يعرفه نبات مثل البقدونس من اللي ورقاتها صغيره 

طبخة/ رشا

Twitter: @Rsho0o01 

المقادير :-
 
الطبقه  الاولي 
شعريه  بكستانيه 
نص زبده
كريمه 
ماء
بسكوت شاهي
------------------
الطبقه الثانيه
واحد قشطه 
واحد ظرف ديم وب 
جبن  كيري 6حبات 
حليب محلي نستله 
---------------------
اخير التزين  الطبق 
جلاكسي مبشووور 
 
طريقه  العمل :- 
تحمس الشعريه  مع  الزبده 
وتوضع  الكريمه والماء تطبخ  على  النار 
 بعد  انتهي من  تحميس الشعريه  ا قوم  بوضعها في الصينيه  
وبعدها اضع  عليها الكريمه  المطبوخه 
وابدا بصف طبقه  واحده من البسكوت  
وادخلها الثلاجه 
بعد ماتتماسك  ابدا بعمل الطبقه  الثانيه   في الخلاط 
وبعدها اضعهافي الثلاجه  
وعند  التقديم  ابشر الجلاكسي 
وبالعافيه  

طبخة/ أثير

مكرونة بالخضار والسجق

المقاديرمكرونة حسب الرغبة في الشكل محضرة في ماء مغلي + شوية ملح
٥ حبات سجق دجاج او لحم 
جزر
كوسة
فطر معلب
٦-٨ حبات طماطم كبيرة 
بصل
ثوم
 علبة صلصة الفريدو من قودي
ملح
فلفل اسود
زيت
جبنة موزريلا

الطريقة
١- يقطع البصل والثوم ويقلى علي النار بكمية من الزيت
٢- تفرم حبات الطماطم الى ان تصبح مزيج
٣- توضع مزيج الطماطم علي البصل والثوم ونضيف اليه الماح والفلفل حسب الرغبة- نتركه علي نار هادئة-
٤- عندما يبدا المزيج بالغلي نضيف اليه صلصلة الفريدو ونحركها ونخليها على النار كمان لمدة ١٠ دقائق
٥- نقطع السجق- الجزر- الكوسة والفطر ونقليهم بشويييية زيت بس لحد ما تتحمر
٦- في الصينية نضيف المكرونة والصلصله ونحركهم مع بعض بعدين طبقة الخضار بعدين طبقة السجق
٧- نضيف فوقهم جبنة موزريلا وندخلها الفرن

وبالعافية :)

طبخة/ بثينة

Twitter: @Buthainah_A 

المطبق

المقادير
كمية كثيرة كراث مقطعة
٣ بيضات
لحمة مفرومة مطبوخة على النار  
٤ حبات طماطم متوسطة مقطعة قطع صغيرة 
فلفل
ملح
عجينة المطبق مربعة

الطريقة
١- تخلط اللحمة والكراث والطماطم والبيضات في وعاء مع الملح والفلفل حسب الرغبة
٢- تحط كمبية من الخليط في وسط العجينة وتغلق الاطراف بصمغ (طحين + ماء) بثني الاطراف
٣- تقلى او تحط في الفرن لحد ما تتحمر

طبخة/ بثينة

Twitter: @Buthainah_A