المقـادير: 

كأس سكر 

٣/٤ كأس زيت 

كأس ماء 

4 ملاعق شكولاته بودره 

4ملاعق حليب بودره 

هذه الاشياء توضع بالخلاط (خلاط الطماطم) 

بعد ماتخلطينها كويس خوذي من هذه الخلطه 3/4 الكأس وخليهم على جنب .

بعدين اضيفي الى الباقي بالخلاط 2 بيضه 

وقليل من الفانيليا.اخلطيهم جيدا ثم صبي هذا الخليط على 1كأس دقيق وملعقه كبيره bp. 

ثم ادخليها الفرن لحد ماتستوي الكيكه.

وبعد ماتخلص ونخرجها من الفرن.

صبي الخلطه اللي انتي رفعتيها على جنب ودعيها تبرد .. 

وبالعافية 

نوف الدليجان 

@noufdul

المقادير:

رز

زبده

بازيلا

جزر

بصل

كاري + ملح 

ماجي

الطريقه:

تحطي بقدر الزبده والبصل والجزر وبهارات الكاري والماجي وبعدين لا استوى الجزر نحط الرز والمويه والبازيلا

واخر شي نضيف الملح وبس هيك بالعافيه :D

طبخة/ رهام المقبل

@hooomh

المقادير:

خبز توست

صدور دجاج

فلفل رومي

زبده

بصل

بهارات + ملح

جبن شرائح

مايونيز

الطريقه:

نحط عالنار زبده وبصل والفلفل الرومي ونضيف عليهم صدور الدجاج لين يستوي والبهارات والملح

واذا استوى نضيف المايونيز وهو عالنار ونحركه شوي وبعدين نحط الجبن على التوست ونحط الدجاج عليه

وبس هيك بالعافيه :D

طبخة/ رهام المقبل

@hooomh

المقادير:

خبز فرنسي 

جبن موزاريلا

زبده

ثوم

كزبره

بهارات حمرا الحاره

الطريقه:

يقطع الخبز الى شرائح ويوضع مقلى على النار فيه زبده وثوم وشوي كزبره

نحط الخبز عليها لين تتحمص وبعدين نشيله من النار ونحط الموزاريلا والبهارات الحمرا من فوق 

وندخله المايكرويف عشان يذوب الجبن وبس هيك بالعافيه :D

طبخة/ رهام المقبل

@hooomh

المقادير: 

خبز بن، خس امريكي، برغر دجاج، مايونيز، طماطم، زيتون وطماط صغير

طبخة/  سارة السيد

@Lady_Swera 

المقادير: 

٢ كأس دقيق 

٢ ملعقة ك خميرة 

ملعقة ونص كبيرة BP

علبة صغيرة حليب سائل " ابو قوس - بوني ..." 

شوي موية مع الحليب للعجن 

تخمر لمدة ساعه الى ساعة و نص تقريباً .. 

الطريقه: 

تفرد العجينة و تقطع دوائر صغيرة زي البيتزا وتقلى بالزيت .. بمجرد ما تنحط بالزيت تبدأ تنتفخ .. 

الحشوة " حسب الرغبة ":

المستخدمة : 

علبتين تونه كبيره

٣ ملاعق ص بابريكا حلوة - رشة فلفل أسود - نص ليمونه

٢ ملعقة ك مايونيز

شوي بقدونس و خس وفلفل أخضر .. 

طبخة/ منار الغنيم

@ManarAG

المقادير:

٢ كاس دقيق 

ملعقة ك خميرة - شوي رشة ملح 

٤ ملاعق ك حليب بودرة

كاس الا ربع مويه دافيه

شوي رشة ملح

٣ ملاعق ك زيت زيتون

الطريقه:

تخلط المقادير مع بعض، وقت العجن اذا احتجتي زيدي شوي زيت زيتون عشان ما تلصق

تشكل العجينة كور صغيرة بعدين تفرد ..

اخبريها على صاج ع النار بس ما تطول هي تصير لينه شوي حطيها بشئ يكتمها عشان ما تنشف ..

الحشوة : 

على حسب الرغبة جهزيها قبل ماتبدين تخبزين.

طبخة/ منار الغنيم

@ManarAG

بالصينيه تحت نحط بصل وطماط مقطع دوائر

تجيبين اي حشوه تحبينها 

انا حطيت لحم مفروم مع بصل وحطيت بهارات وملح 

بعد ماخلص حطيت معه شبت (شبنت) عشان يزين الطعم

بعده تجيبين لفه سمبوسه غوار تقسمين اللفه الوحده لنصين عشان اذا لفيتيها ماتكون سميكه وعجين وتنجح زين

تلفينها اصابع مثل الصور 

بعد ماتخلصين لف 

نحط فوقها علبه قشطه

كاس صغير جبن

و٣ ملاعق مايونيز

ندخلها الفرق يكون من تحت عشان يستوي 

انا خليتها نص ساعه

واشوفها كل شوي اذا زانت والا لا 

بعده تحمرينها من فوق 

وصحه وهنا يارب 

طبخة/ نورة القحطاني

@NourahQ

المقادير

باذنجان

بطاطس

فلفل رومي 

بصل

عصير ليمون

خبز 

الطريقه

نقطع البطاطس والباذنجان والخبز مربعات صغار ونقليها

الباذنجان يكون اكثر من البطاطس

بعدين نحمس البصل ونحط معه فلفل رومي مقطع مربعات صغار بعد

ونحط ملح وبهارات

بعدين بحط البطاطس والباذنجان عليها وعصير الليمون

بعده نحطها بصينيه ونخلط الخبز معها 

الصوص اللي فوق 

علبه لبنه

علبه زبادي

ملعقه كبيره من صوص متبل الثوم 

بعد مانحط الصوص نحط بقدونس وسماق مثل بالصوره للتزيين

وهني وعافيه على قلوبكم

طبخة/ نورة القحطاني

@NourahQ

 

المقادير 

جزر مبشور

خس مقطع طوال ووبشكل سخيف

ملفوف مقطع مثل الخس

خيار مبشور من برا ومقطع مربعات صغيره

فلفل رومي مقطع طوال

 مكرونه صغار مسلوقه 

دجاج مسلوق 

الطريقه 

تخلط جميع المقادير مع بعضها

والمكرونه تسلق بمااء وشوي زيت عشان ماتتلبك وملح

الدجاج ننتفه بعد السلق

بعد مانخطها نشوف ملحها ونملحها حسب الرغبه 

بعدين نحط الصوص

طريقه الصوص

علبه زبادي

ملعقتين مايونيز

عصيز ليمون واحد

وبالهنا والعافيه

طبخة/ نورة القحطاني

@NourahQ 

 

المقادير : 

مكرونة قواقع كبيرة الحجم .. 

صلصة طماطم الخاصة بالمكرونة .. 

جبن شيدر ( كرافت ) .. 

مقادير الحشوة : 

لحم مفروم 

بصل 

بهارات - ملح - فلفل اسود 

الطريقة : 

يتم عمل الحشوة كالطريقة المعتادة قدر فيه قليل من زيت يحمر البصل المقطع ثم يوضع لحم مفروم حتى يقارب الاستواء .. وتوضع البهارات .. 

يتم سلق المكرونة ( ماء + قليل من زيت + ملح ) 

نحضر صينية بايركس و يوضع فيها القليل من الصلصة ثم تحشى المكرونة باللحمة و الشيدر .. وترص بعد الانتهاء يوضع عليها صلصة الطماطم و قليل من موية تغلف بالقصدير و إدخالها الفرن قليلا بعد ذلك يتم ازالة القصدير لتحمير الوجه .. 

وبالصحة و العافية 

نوف الدليجان 

@noufdul 

المقادير:

صدور دجاج

فلفل اسود + ملح + ريحان مجفف + ورق زعتر مجفف + نعناع مجفف

شطه مجروشه + خردل + ثوم مهروس + عصير ليمون

نص كوب طحين + بقسماط + زيت

الطريقه:

1- صفي كل صدور الدجاج بين طبقتين من النايلون 

2- حطي في علبه الملح والفلفل الاسود والريحان والزعتر والنعناعوالشطه والخردل والثوم والليمون وحركيهم بالشوكه لين يختلطون

3- اقسمي الخليط جزئين وحطي جزء في الثلاجه والجزء الثاني حطي الدجاج فيه وقلبيها بالجهتين وغطي الطبق بنايلون وحطي بالثلاجه , كل ماذادت مدته بالثلاجه احسن 

4- حطي بعلبه بيض وملح وفلفل اسود وحركيهم سوا وحطي البقسماط بعلبه ثانيه

5- خذي قطعه دجاج وغططيها بالطحين اول شي بعدين بخليط البيض بعدين بالبقسماط وحطيها بالثلاجه لمده نص ساعه

6- اقليهم بالزيت 

بالعافيه 

روان المقبل

@RawanAlmugbel

المقادير: 

دجاج

زيت لقلي الدجاج

رز

بهارات + ملح + زعفران + كركم

بصله

4 اكواب حليب سايل

ثوم

جزر

زبيب

ماجي

الطريقه:

1- يتنقع الدجاج في 4 اكواب حليب لمدة ساعتين بعدين يجفف وينحط عليه البهارات ويقلى بالزيت

2- نحط قطع الدجاج المقليه في قدر ونضيف عليها كمية كافيه من المويه وتسلق عالنار لين ينضج

3- نحط زيت في قدر ثاني ونقلي البصل والثوم لين يذبل ونضيف الرز عليه بعد مانغسله ونصفيه ونخليه عالنار ونضيف البهارات والملح والزعفران والكركم لثواني

4- نضيف مويه وماجي ونغطي القدر ونخليه على نار خفيفه لين يستوي

5- نقلي الجزر بشوي زيت او زبده

6- نحرك الرز المسلوق بشوكه ونضيف الزبيب والجزر

7- نحط الرز بطبق التقديم ونحط عليه الدجاج

بالعافيه

روان المقبل

@RawanAlmugbel

المقادير:

1 علبة سباقيتي

1 معجون طماطم

2 حبة طماطم

ثوم

شوي كزبره مفرومه

حبه بصل مفرومه

ملح + فلفل أسود

حبه فلفل اخضر مفروم

شوي زيت

ماجي

الطريقه:

1- نحط البطماطم والبصل والفلفل الاخضر في الخلاط لين تنهرس

2- تنسلق المكرونه بشوي زيت وماجي وملح

3- نحط الزيت بقدر ونحط عليه الخلطه المهروسه "رقم1" وعلبه معجون الطماطم والثوم والكزبره ونقلبه عالنار ونحط الملح والفلفل الاسود ونخليه لين يستوي

4- نحط السباقيتي في الصينيه ونحط عليها الصلصه 

وبس هيك بالعافيه :D

رهام المقبل

@hooomh

المقادير : 

خس امريكي .. 

رانش للسلطات .. 

مايونيز .. 

بوب كورن تشكن ناجت .. 

توست مقطع مربعات صغيرة .. 

الطريقة : 

يتم تقطيع الخس الى قطع كبيرة و توضع في صحن السلطة .. يتم خلط رانش مع قليل من مايونيز و يوضع على الخس و يخلط يتم قلي بوب كورن او شويه في الفرن حسب الرغبة و يتم تقطيعه بالنص و يوضع على الخس .. وأخيرا يتم تحمير قطع التوست بالفرن ( يمكن استبدالها بالخبز او قطع صامولي حسب الرغبة ) وتوضع مع الباقي .. 

وبالصحة و العافية 

نوف الدليجان 

@noufdul

المقادير حسب الكميه الموجوده في الصوره:

- صدر ونصف دجاج

-ملعقتين كبار زبادي

-ملعقه كبيره عصير ليمون

-ملعقه صغيره خل ابيض

- ملعقه كبيره صوص الصويا

-رشه فلفل اسود

-رشه كمون

-رشه كزبره مطحونه

-خبز تورتيلا

الطريقه:

يقطع الدجاج الى مكعبات

ويخلط  بالمقادير السابقه

لمدة ساعه وكل ما زاد الوقت كانت التتبيله افضل

بعدها نحمس الدجاج مع البصل حتى ينشف ماء التتبيله

ويستوي الدجاج

ندهن خبز التورتيلا بالمايونيز

ونضع الحشوه عليه

وفوقها خس ويفضل خس امريكي

وفلفل بارد و طماطم وبطاطا مقليه

وجبن شرائح حسب الرغبه

وبعد اغلاقها نضعها في اله التوست او شواية الفطائر

وبعد ان تحمر نقطعها لثلاثه اجزاء

وتقدم مع البطاطا المقليه  

و صحتين و هنا :$

الهنوف الجردان

@alhanofaljardan

لحم نعام مفروم نخلط معه بصل وثوم مقطع ناعم ونضع ملح بهارات مشكله وفلفل اسود نخلط الجميع ونكورة كور صغيرة نضع عليه قليل من الماء ومعجون الطماطم ونضعه على النار لمدة ساعه او ساعة ونصف بعد النضج  نقدمها مع الرز الابيض 
بالعافية

طبخة/ موضي سليمان

@modhisuilman 

 
مقادير العجينة : 

٢ كاس دقيق 

بيضة 

نص كاس ماء 

٣/٤ كاس زيت 

بيكنغ بودر 

فانيليا

مقادير الحشوة

٤ تفاحات ( مقشرة و مقطعة الى قطع صغيرة ) 

ربع كاس موية

نص كاس سكر 

م قرفة 

الطريقة : 

تخلط جميع مقادير الحشوه و توضع على النار .. حتى يصبح كثيف كالمربى .. ويترك بعد ذلك ليبرد 

يتم خلط جميع مقادير العجينة .. وإحضار صينية الي تنفتح من على جنب .. وتقسيم العجينة الى قسمين قطعة كبيرة و ثانية صغيرة .. توضع العجينة الكبيرة ثم الحشوة ثم يتم فرد المتبقي من العجينة و تقطيعها بشكل طولي .. و تدخل الفرن بعد الفرن يرش عليها سكر بودرة

وبالصحة و العافية 

نوف الدليجان 

@noufdul

المقادير و الطريقة : 

نحضر صينية الفرن تيفال و ندهنها زبدة .. نرص حبات التوست ( ممكن تقطيع حواف التوست حسب الرغبة ) .. نحضر جبن الحلوم المراعي او اي منتج اخر .. يقطع و يوزع فوق التوست و نحضر بعد ذلك جبن مازرويلا ونضع فوق الحلوم ثم الزعتر البري ثم القليل من حلقات الزيتون ( حسب الرغبة ) .. ونضع بعد ذلك طبقه التوست .. و نكسر بيضه و نخلطها مع قليل من حليب سائل و تصب فوق التوست و أخيرا يتم اضافة الزعتر و إدخالها بالفرن حتى تتحمر قليلا .. 

وبالصحة و العافية 

نوف الدليجان 

@noufdul 

 

المقادير : 

صدور دجاج من دون عظم .. 

زبادي .. 

طحينية سائلة .. 

بيض .. 

زعتر البري .. 

عصير ليمون .. 

ملح .. 

صلصة صويا .. 

الطريقة : 

يقطع الدجاج بشكل عرضي الى قطعتين او ٣ حسب حجم القطعه .. و يضع عليه القليل من عصير ليمون و صويا و يوضع بالثلاجة . 

 نقوم بخلط الزبادي و طحينيه و بيض و زعتر البري و رشة ملح .. 

نحضر قطعه الدجاج و نضعها بالخليط مثل البقسماط و بعد ذلك تقلئ بالزيت .. 

وبالصحة و العافية .. 

نوف الدليجان 

@noufdul

المقادير:
الطبقه الأولى :
- كأس حليب بودره محموس .
- علبة قشطة .
- علبة بسكوت مكسر .
- 1/2 كأس سكر مطحون .
- 1/2 إصبع زبده .

الطبقه الثانية :
- علبتين كريم كارميل .
- ملعقتين كبيره كاكاو بودره .
- كأس كبير حليب سايل. 

الطريقة :
- تخلط مقادير الطبقه الأولى مع بعض ثم ترص في الصينيه .
- توضع مقادير الطبقه الثانية على النار حتى تغلي ثم توضع على الطبقة الأولى ثم توضع في الثلاجة .


وبس هيك بالعافيه :D
طبخة/ رهام المقبل
@hooomh

المقادير:
خس + مكرونه + جزر + بليلة جاهزه + ذره + فاصوليا حمرا


الصوص:
زبادي + مايونيز + ثوم مهروس + ليمون + خل + ملح + فلفل أسود


الطريقه:
يقطع الخس والجزر ويوضع على البليله والفاصوليا والمكرونه بعد سلقها


وبس هيك بالعافيه :D
طبخه/ رهام المقبل
@hooomh

 
بزبديه حطي  كوب ماء مغلي وحطي ظرفين جلي اي نكهه تحبينها ثم صبي  كوب ماء فاتر واخلطي ثم حطي علبة قشطه واخلطيه وصبيه بكاسات قزاز او صحون قزاز .. ثم خليها برا شوي لما ينفصل يصير لونين راح يكون الجلي قليل والقشطه اكثر ثم حطيه بالثلاجه .. 

اذا تبين يكون نص ونص تذوبين ظرف جلي بنص كوب ماء مغلي ثم نص كوب ماء فاتر وعلبة قشطه واخلطي وصبي بكاسات وبالعافيه يارب .. 

طبخة/ رولا

 @rolla_se

هالشوربة خلطت كذا طريقه مع بعض لين طلعت هالطريقه اليمييي :P

المقادير:
4 حبات بطاطا 
علبة جبن كرافت + كريمة خفق + جبن سائلملعقه كبيره طحينمكعب ماجي ثوم مدقوقكزبره مفرومهبهارات4ملاعق زبده

الطريقه:1- نقطع البطاطا مربعات صغيره.

2- نحط ملعقتين من الزبده في القدر ويحمس فيها الثوم مع مكعبات البطاطا ويوضع عليه اربع كاسات مويه مغلي والماجي ويغطى القدر حتى يستوي البطاطا.

3- نحط في قدر ثاني ملعقة زبده+ملعقة طحين ونحمسها شوي لين يشقر لونها 

4- نخلط في الخلاط : علبة الجبن (بعد بشرها) +الطحين المحموس + الجبن السائل + كريمة الخفق +البطاطا ونخلطها حتى تتجانس 

5- نضع ملعقة زبده ونحمس فيها الثوم والكزبره ثم نضع عليها خليط الشوربه ونتركها قليلا حتى تغلي

وبس هيك بالعافيه

رهام المقبل

@hooomh

 

المقادير : 

كيك سويس رول بنكهة شوكولاته .. 

٢ قشطة

١ كريم كراميل 

١ دريم ويب 

١ م نسكافيه ( لنكهة حسب الرغبة ) 

للتزيين : 

كاكاو بودرة او فليك مبشور او توفي .. الي تبون :) 

الطريقة : 

نقطع كيك الى دوائر .. و نخلط باقي مقادير في خلاط .. نجيب الكاسات نضع طبقة كيك و طبقة من الخليط و هكذا و يزين حسب الرغبة و يوضع بالثلاجة .. 

و بالصحة و العافية 

نوف الدليجان 

@noufdul 

المقادير

الحشوه
- علبه تونه
- بصل + ثوم
- معجون طماطم
- ١ طماطم
- بهارات مشكله
- كمون + ملح
- بقدونس



العجينه "الرهيبه"
- ٢،٥ كوب دقيق (١،٥ كويتي + ١ عادي)
- علبه لبن زبادي
- ربع كوب زيت
- ١ ملعقه خميره
- ١ ملعقه بيكنج باودر
- ٣ ملاعق كبيره سكر
- شويه ملح
- ١/٢ كوب لبن ساىل

طبخه/ بثينة
@Buthainah_A

المقادير و الطريقة : 

١ كيس مكرونه اي شكل ( يتم سلقها حتى الاستواء ) و توضع في صحن 

في قدر على النار ( علبة كريمة خفق صغيرة + ٣ ملاعق صلصة مكرونه + زعتر بري + شوية ملح ( حسب رغبة ) ) يخلط على النار حتى يطبخ .. 

يرش جبن مازرولا على المكرونه و تصب الخلطة عليها و تحرك .. ( امكانية وضع الدجاج حسب الرغبة ) .. و بالصحة و العافية 

نوف الدليجان 

@NoufDul

بطاطا حاره ~

مرحبا ~

أسهل وأسرع وأطيب طبخه في العالم :P




1- نحط عالنار بصل وثوم مهروس مع شوية زبده لين يتحمر 


2- نقطع بطاط مربعات ونحط عليها شوي ملح ونقليها 


3- نحط البطاط على النار مع البصل والثوم الي حمسناهم ونضيف كزبره ناشفه وفلفل احمر 


وبس هيك بالعافيه :D
رهام المقبل
@hooomh

مكرونة البيتزا 

مرحبا ~

1- نسلق المكرونه

2- طريقة الصلصه الحمراء:

نحط شوي زيت عالنار مع بصل وثوم مهروس لين يذبل ونحط عليه ملعقتين معجون طماطم وبيالة مويه ومكعب ماجي وشوي فلفل اسود وورق الزعتر

3- طريقة حشوة الدجاج:


نحط شوي زيت عالنار مع البصل لين يتحمر ونضيف صدور دجاج مقطع وشوي مويه وفلفل اسود وملح لين يستوي ونطفي النار ونضيف ملعقتين جبن سائل

4- نحضر صينية ونخلط المكرونه مع الصلصه الحمراء ونحط فوقها الدجاج وحلقات الفلفل الرومس والزيتون وجبن موزاريلا

وندخلها الفرن وبس هيك بالعافيه :D

رهام المقبل

@hooomh

مقادير العجينة : 

3اكواب دقيق ابيض ويمكن اكثر شوي حسب الدقيق

2م خميره فوريه

م ك بيكنج بودر

م ص ملح

فنجان القهوه سكر

فنجان الشاي زيت

كوب حليب دافئ

نصف كوب ماء دافئ

الحشوة حسب الرغبة ( دجاج ، تونا ، جبن ، لبنه ) 

الطريقة :

يتم تخمير الخميرة اولا ( في وعاء يوضع الخميرة و سكر و ماء ) و تحرك و تترك لمدة ٥ دقائق .. 

يتم خلط باقي مقادير و يتم أضافه الخميرة بعد ذلك ، حتى تتماسك و تغلف العجينة و تترك .. 

اذا كبر حجم العجينة يتم تقطيع العجينة الى دوائر و مع ضغط عليها في الصينيه و تدخل الفرن حتى يكبر حجمها و تتحمر .. 

و بالصحة و العافية 

نوف الدليجان 

@NoufDul

مبارك عليكم الشهر و كل عام و انتم بخير  D:

رجعنا " للحافظة الرمضانية " للسنة الرابعة عالتوالي :) ، بعد نجاحها للسنوات الماضية =)

والحافظة تحت اشراف : نوف الدليجان و رهام المقبل  ^ـ^

ونظام حافظتنا هو : 

١- الطبخات تكون عمل يدينك ولو كانت من ديات مامتك أو اختك أو أخوك أو شغالتكم ;p تعترفي وتقولي أهم شي , طبعا ترفقين لنا صورة للطبخه وعادي لو كانت الصور بالخطوات ومع الطريقه على هالايميل 

 cooking.rn@gmail.com

٢-كل وحده لها إمكانية ترسل طبخه وحده في اليوم وياريت الله يعافيه الصور تكون مرفوعه بروابط.

٣- راح نختتم الحافظة باذن الله 20 رمضان للتفرغ للعواشر :)

ننتظر ابداعاتكم ^ـ*